گیری چیپ مین  کی کتاب ” وہ چیزیں   جن کا ہمیں شادی سے پہلے  علم ہونا  چاہئے تھا ” شادی کے موضوع پر انتہائی معیاری کتاب ہے جس میں وہ  ان چیزوں کے بارے جاننے کی خواہش کا اظہار کرتا ہے جن کا شادی سے پہلے جاننا ضروری ہوتا ہے اور بہت سے لوگ ان کو جاننے کی کوشش نہیں کرتے ۔ کامیاب شادی میں صرف محبت کی ضرورت نہیں ہوتی ہے بلکہ ٹیم ورک کی بھی ضرورت ہوتی ہے ۔

بہت سے لوگ نا سمجھی کی  حالت میں شادی کے عمل  میں داخل ہوجاتے ہیں۔ وہ  شادی سے متعلق انتہائی غیر حقیقی توقعات       پالتے ہیں  اور خاص طور پر ایک دوسرے کے بارے میں  ضرورت سے زیادہ جذباتی ہو جاتے ہیں ۔ محبت میں  گرفتار ہونا  ایسا طاقتور تجربہ ہے جس میں  لوگ غیر معمولی طریقوں سے برتاؤ کرتے ہیں جو وہ طویل مدت تک برقرار نہیں رکھ سکتے ہیں۔ جب ان کے جذبات ٹھنڈے  پڑ جاتے ہیں اور شادی کے  تقریباً دو سال بعد ہی حقیقی زندگی کی پریشانیوں کا سامنا کرنا پڑتا ہے تو ، بیگانگی یا  مایوسی کا احساس  انہیں گھیر لیتا ہے ۔  وہ جوڑے  جو  ان مشکلات کا مقابلہ نہیں کرسکتے ہیں وہ اکثر طلاق  کے فیصلے تک پہنچ جاتے ہیں ۔

عمدہ ٹیم ورک میں محبت سے کچھ  زیادہ کی ضرورت ہوتی ہے۔ شادی سے پہلے ، جوڑے کو ایک دوسرے کو نہ صرف جذباتی طور پر ، بلکہ عملی طور پر جاننے کی کوشش کرنی چاہئے۔