ولبر رائٹ اور ارویل رائٹ دنیا بھرمیں رائٹ برادران کے نام سے مشہور ہیں۔ یہ دونوں سگے بھائی تھے۔ولبر رائٹ 16 اپریل 1867 کو امریکی ریاست انڈیانا کے ایک قصبہ ملویلے میں پادری ملٹن رائٹ کے ہاں پیدا ہوا۔ جب کہ اس کا چھوٹا بھائی ارویل رائٹ 19 اگست 1871 کو امریکی ریاست اوہائیو کے قصبہ ڈیلٹن میں پیدا ہوا ۔

رائٹ برادران امریکہ کے ایک غریب خاندان سے تعلق رکھتے تھے۔ دونوں بھائی تمام عمر اکٹھے رہے ۔ دونوں کی عمروں میں چار سال کا فرق تھا۔ان کی والدہ کانام سوزان تھا جو خاصی لکھی پڑھی خاتون تھی۔ان کی ایک چھوٹی بہن کانام کیتھرین تھاجو1939میں فوت ہوئی۔