اس کتاب میں بچوں کے ماہر ین ِنفسیات اور والدین کی طرف سے ایک جیسے  کئی  جائزے ہیں۔ یہ کہنا مناسب ہے ، اگر آپ کسی ایسی کتاب کو پڑھنے میں دلچسپی رکھتے ہیں  جو آپ کو اپنے بچوں کے ساتھ بات چیت کرنے کا ایک بہتر طریقہ سکھاتی ہے تو آپ کی دلچسپی فائدےسےکبھی خالی نہیں ہو گی ۔

کتاب کو چھ اہم ابواب میں تقسیم کیا گیا ہے جو آپ کو مخصوص مہارت سکھاتے ہیں کہ آپ اپنے بچوں کے ساتھ بات چیت کرنے  یعنی  بولنے  اورسننے میں  زیادہ موثر ہوں۔ آپ جو مہارتیں  سیکھتے ہیں وہ آپ کو اپنے جذبات تعمیری انداز میں استعمال کرنے اور اپنے بچے کی مدد کرنے میں مدد فراہم کرتی ہیں۔ وہ بچے کو زیادہ سے زیادہ آپریٹو ، خود کفیل ہونے کی ترغیب دیتے ہیں اور آپ کو اس طریقے سے تعریف کے استعمال کی اجازت دیتے ہیں جس سے بچے میں  خود غرضی کو تقویت پہنچے بغیر  احساسِ خودی  پیدا ہوتی ہے۔

مصنفین سزا کے متبادل  ماڈل کے بارے بھی راہنمائی کرتے  ہیں جس کے بارے میں ان کا دعوی ہے کہ وہ مطلوبہ رویے کے حصول میں سزا کے اقدامات کی بجائے کہیں زیادہ موثر ہیں۔وہ عام حالات اور عام ردعمل کی مثالیں دیتے ہیں جو والدین کی حیثیت سے ہم اپنے بچوں کو کہہ سکتے ہیں۔ ان سے بہت سی متعلقہ مثالوں کےذکرکے بعد ،  وہ قاری کو سوچنے کی ترغیب دیتے ہیں کہ اگر وہ خودبچے کی عمر میں ہوتے تو انہیں کیسا محسوس ہوتا ۔  ایسے روائیتی والدین کی  مثالیں بھی پڑھنے کو ملتی ہیں جو اپنے رویے کی وجہ سے   بچوں کے ساتھ اپنے تعلقات کوخراب کرتے ہیں ۔