پال ٹف  کی کتاب ایک صحافتی جائزہ ہے جو جوانی میں کامیابی کو بچپن میں ہی کردار کی نشوونما سے مربوط کرتا ہے ، اور اُن پروگرامز پر مبنی  ہے جو کردار کو استعمال کرتے ہوئے کم کارکردگی کا مظاہرہ کرنے والے بچوں کو اعلی کامیابیاں  حاصل کرنے کی ترغیب دیتے ہیں۔ بچوں کے لئے زیادہ تر اسکول نصاب اور مستقبل کی کامیابی کے اقدامات ، تاریخی طور پر ان  علمی اشاروں  پر مبنی ہیں جس میں ریاضی کی قابلیت ، زبان کی مہارت اور تنقیدی سوچ  جیسی خصوصیات  شامل ہیں ۔ اگرچہ یہ اشارے مستقبل کی کامیابی کے لئے اہم عوامل ہیں ، لیکن  جو بچے علمی اشاروں  میں امتیازی ہوتے ہیں لیکن غیر علمی اشاروں سے نا بلد ہوتے ہیں ،ان کے لئے کامیاب ہونا کافی مشکل ہو سکتا ہے ۔ غیر علمی  اشاروں  میں ، دیانت داری  اور حوصلہ افزائی کو  کردار کی خصوصیات کے طور پر بھی جانا جاتا ہے۔

کتاب  میں مصنف  بتاتے ہیں  نوجوانوں کو کامیاب ہونے میں کس طرح مدد مل سکتی ہے۔ جہاں وہ بنیادی طور پر مفلسانہ پس منظر  سے آنے والے بچوں پر توجہ مرکوز کرتے ہیں  ، وہ متمول بچوں میں کردار کی نشوونما کے مسئلے پر بھی بات کرتے ہیں۔ اپنی   پوری کتاب میں ، مصنف   حقائق  کو باہم جوڑ کر  ایک ناگزیر حقیقت کو آشکار کرتے ہیں ، وہ یہ کہ  ہمارے بچوں کے کردار کی اہمیت بہت زیادہ  ہے۔

بچے کی نشوونما میں سب سے زیادہ اہم بات یہ نہیں ہے کہ ہم ابتدائی چند سالوں میں اس کے دماغ میں کتنی معلومات بھر سکتے ہیں۔ اس کی بجائے ، اہم بات یہ ہے کہ کیا ہم اس کی خصوصیات کے  مختلف سیٹ تیار کرنے میں اس کی کیا  مدد  کرسکتے ہیں ،خصوصیات کی ایک فہرست ہے جس میں ثابت قدمی ، خود پر قابو ، تجسس ، اخلاص ، تحقیر اور خود اعتمادی  شامل ہیں۔ ماہرین معاشیات ان کو غیر علمی مہارت سے تعبیر کرتے ہیں ، ماہرین نفسیات انہیں شخصیت کا خاکہ قرار دیتے ہیں ، اور ہم میں سے باقی بعض اوقات انھیں کردار کے طور پر ہی سوچتے ہیں۔