اگر آپ  اپنی بیوی کے ساتھ  رومانوی تعلقات کو بہتر بنانے کی ضرورت   محسوس کرتے ہیں تو ایمانداری اس کی اولین شرط ہے۔

ہمارے جذبات ہمیشہ ایک جیسے نہیں ہوتے  ۔ اپنے  جیون ساتھی کے ساتھ  بحث میں الجھنے  کے دوران خوفزدہ ، غمگین اور ناراض ہونا بالکل عام بات ہے۔  اس کے حل کے لیے  جو تکنیک استعمال ہوئی ہے اس کو ای ایف ٹی کہا جاتا ہے۔

ای ایف ٹی   یعنی ایموشنل  فوکس تھراپی گفتگو کی ایسی تکنیک کو کہا جاتا ہے جو ایک نفسیاتی تصور پر مبنی  ہوتی ہے جس کو آٹیچمنٹ  تھوری کہا  جاتا ہے اصل میں یہ  تھیوری اس طریقے کی وضاحت کرتی ہے  جس میں بچے اپنے والدین کے ساتھ جذباتی تعلق پیدا کرتے ہیں۔ جسمانی اور نفسیاتی طور پر محفوظ محسوس کرنے کے لئے بچوں کو والدین سے راحت اور مدد کی ضرورت ہوتی ہے۔ ای ایف ٹی  نظریے کے مطابق   بڑوں کو  بھی  اس کی ضرورت ہوتی ہے ، اگرچہ  بنیادی  جسمانی اور نفسیاتی تعلق عام طور پر والدین کی بجائے رومانوی ساتھی سے ہوتا ہے۔ اکیسویں صدی کی ثقافتوں میں جہاں  لوگ زیادہ  تر معاشرتی طور پر الگ تھلگ اور کمیونٹی سے جدا رہتے ہیں ، جذباتی  احساسات کی تکمیل کے لئے اکثر  اپنے شریک حیات پر انحصار کرتے ہیں۔